Wednesday, 22.11.2017, 02:45
RSS შესვლა

ივანე ჯავახიშვილი
Home   Main Blogs   Maps   Library   Doc.Materials   Historical Sources   Rome and Caucasus   Supporting Blog   Bibliography   English Blog
site menu

section category
New Publishing [1]
New Articles [1]
Events [1]
Conferences [2]
Memorandums [0]
Scientific Missions [1]
Mission Reports [2]
Projects [0]

» 2010 » February » 7 » ინსტიტუტის დელეგაციის მონაწილეობა პოლონელ ისტორიკოსთა XVIII საერთო-ეროვნულ ყრილობაში
12:44
ინსტიტუტის დელეგაციის მონაწილეობა პოლონელ ისტორიკოსთა XVIII საერთო-ეროვნულ ყრილობაში

2009 წლის 16-19 სექტემბერს, პოლონეთის რესპუბლიკის ჩრდილო-აღმოსავლეთით მდებარე ქალაქ ოლშტინში (ვარმია-მაზურის სავოევოდოს ადმინისტრაციული ცენტრი) გაიმართა პოლონელ ისტორიკოსთა XVIII საერთო-ეროვნულ ყრილობა. იგი მიზნად ისახავდა მეცნიერთა გაცნობა-დაახლოებას, სამეცნიერო-პედაგოგიური გამოცდილების გაზიარებას, დისკუსიიებს ისტორიული მეცნიერების ყველა სფეროში.
ყრილობა შედგა პოლონეთის რესპუბლიკის პრეზიდენტის ლეხ კაჩინსკის პატრონაჟით. საპატიო საორგანიზაციო კომიტეტში შედიოდნენ: პოლონეთის სეიმისა (პარლამენტი) და სენატის თავმჯდომარეები, განათლების, მეცნიერებისა და კულტურის მინისტრები, ოლშტინის უნივერსიტეტის რექტორი და სხვები.

ისტორიკოსთა ყრილობაში მონაწილეობდნენ როგორც პოლონეთის ცალკეული სამეცნიერო-სასწავლო დაწესებულებებიდან ჩამოსული ისტორიკოსები (1000-ზე მეტი დელეგატი), ასევე პოლონეთის ისტორიის მკვლევარები საქართველოდან, ჩეხეთიდან, უკრაინიდან, ლიტვიდან, ლატვიიდან, ჩინეთიდან, რუსეთიდან, ბელარუსიდან და სხვა ქვეყნებიდან (100-მდე დელეგატი).
ყრილობაზე მიწვეულთა შორის იყვნენ ივანე ჯავახიშვილის ისტორიისა და ეთნოლოგიის ინსტიტუტის წარმომადგენლებიც _ დირექტორი, ისტორიის მეცნიერებათა დოქტორი, პროფესორი ვაჟა კიკნაძე და ინსტიტუტის ახალი და უახლესი ისტორიის განყოფილების მთავარი მეცნიერ-თანამშრომელი, ისტორიის მეცნიერებათა დოქტორი, პროფესორი ნიკო ჯავახიშვილი.
ყრილობის საზეიმო გახსნაში მონაწილეობდა პრეზიდენტი ლ. კაჩინსკი და პოლონეთის მთავრობის წარმომადგენლები.
უცხოეთიდან ჩამოსულ მეცნიერებთან საგანგებო შეხვედრა გამართა პოლონეთის ისტორიკოსთა საზოგადოების პრეზიდენტმა, პროფ. კრჟისტოფ მიკულსკიმ (ვარშავა).

ყრილობაზე გამოითქვა სურვილი, რომ პოლონელ და უცხოელ ისტორიკოსებს შორის მეცნიერული კონტაქტები კიდევ უფრო გაღრმავდეს და ინტენსიური გახდეს.

პოლონეთის ისტორიის აქტუალურ საკითხებზე საგანგებოდ გამართულ დისკუსიაში აქტიური მონაწილეობა მიიღეს უცხოეთის ქვეყნებიდან ჩამოსულმა მეცნიერებმა და მათ შორის პროფესორებმა ვ. კიკნაძემ და ნ. ჯავახიშვილმა.

პოლონელ ისტორიკოსთა XVIII საერთო-ეროვნულ ყრილობაზე გადაწყდა, რომ მომავალი ყრილობა _ 2012 წელს შედგება.
: Conferences | : 685 | : historyinstitut
search

 
site menu

Copyright MyCorp © 2017Site created in uCoz